用水效益標籤攻略：水龍頭、座廁、洗衣機點樣揀先慳水

水龍頭標籤按每分鐘標稱流量分級：

陷阱：水務署提醒，混合式 1 級只適合儲水式熱水爐；2 級適合儲水式同控流式；3 級適用大部分熱水爐（電氣控壓式除外）；4 級適用所有熱水爐但冇節水效益。用煤氣熱水爐嘅單位，揀之前先問清楚熱水爐類型，詳見熱水爐攻略。

水廁標籤：雙沖式 1 級全沖 ≤4.8 公升、半沖 ≤3.2 公升；2 級全沖 ≤6.5 公升、半沖 ≤3.5 公升；3 級 ≤6.5 公升；超過 6.5 公升屬 4 級。全沖少過 3.5 公升嘅水廁要做排水管道運輸測試。舊樓去水喉長、斜度細，揀超低沖水量前可以先問水喉匠。

洗衣機標籤以每公斤衣物每次用水量計：前置式 1 至 3 級分別不多於 9、11、13 公升；頂揭式分別不多於 16、19、22 公升。洗衣機要先喺機電署能源標籤計劃登記，洗衣量 10 公斤或以下。

節流器標籤：水龍頭用 1 至 3 級分別不多於每分鐘 5、7、9 公升；花灑用不多於 9、12、16 公升。花灑本身點揀，睇花灑頭攻略。

想核對型號，可以查水務署登記冊。

• 浴室潔具攻略：換廁所、龍頭要知
• 電熱水爐攻略：花灑式定儲水式點揀
• 能源標籤攻略：1級5級點睇點揀
• 網購建材電器攻略：北上買要知