防水同去水

報價單寫法浴室防水（兩層）

做幾層、用咩品牌、塗到牆身幾高、有冇試水同記錄。只寫「做防水」唔夠。

點解重要防水一封磚就睇唔到，出事要拆磚重做，代價最大。

報價單寫法防水完成後試水 24 小時

防水乾咗之後，地面封住去水口，放水浸一段時間（常見 24–48 小時），睇樓下有冇滲。要影相記錄先鋪磚。

報價單寫法防水保養一年

保幾多年、由幾時計、保咩範圍。人為損壞唔保係正常，但材料同施工問題要保。

點解重要防水出事多數過一排先滲，保養由幾時起計、保幾耐，直接決定到時認唔認。

報價單寫法現有牆身水漬

先影相記錄，寫「見到咩」唔好寫「邊個錯」。源頭未查清就油過，過幾個月又會起泡。

報價單寫法更換去水隔氣（U 型）

隔氣負責擋臭味。改位或舊隔氣有問題就要換。要問完工後去水慢或反臭邊個負責。

點解重要隔氣擋渠味同曱甴；慳咗或者裝錯，完工先聞到臭味就要拆去水重做。

報價單寫法坐廁移位

坐廁移位涉及糞渠斜度同去水位，唔係個個單位做到。要佢睇過現場先報價，寫明點行渠。

要小心斜度唔夠會容易塞，要升地台或者放棄移位。