訂金同付款

報價單寫法訂金 30%、中期 40%、尾數 30%

重點唔係百分比，而係每期要同「做完咩工序」掛鈎。錢跟工程進度走，唔好跟日子走。

點解重要頭期俾太多，工程拖延或者對方走數，你手上冇籌碼。

報價單寫法第二期：水電完成後支付

每期寫清楚係邊個工序完成先俾，例如改電完成、泥水完成、傢俬到場安裝。完成要你睇過先付。

例子好：第三期 30%，全屋泥水及防水試水完成後支付。

報價單寫法尾數於完工後 7 天內支付

最好係驗收同執漏完成先找。寫「完工即找」，執漏時你就冇籌碼。

好處尾數留一成以上，對方有動力執好。

報價單寫法款項請存入以下戶口

要正式收據，最好入公司戶口，收據寫明係邊一期、邊份報價。唔好俾現金唔要單。

點解重要收據寫明邊一期、邊份報價，日後爭拗或者保養先對得返數。

報價單寫法現金價另有優惠，唔使單

冇單即係冇證據，保養、爭拗、追數都難。平少少換走所有保障，唔抵。

例子平嗰三幾個百分比，換走收據同保養憑證，出事先知唔抵。

報價單寫法誠意金 $5,000 留位

最後唔簽退唔退？有冇收據寫明可退？冇寫就當冇得退。