清拆同保護

報價單寫法清拆全屋地磚、廚廁牆磚

逐項寫清拆邊度、拆到咩程度（例如拆到見英泥底），同埋包唔包泥頭清運。

點解重要「拆到咩程度」唔寫清，可能淨係拆走表面，底層問題留返俾你。

報價單寫法大堂、電梯及走廊保護

大堂、電梯、走廊、門口，同屋內保留嘅地板、窗、傢俬。整花公家地方，管理處可能扣你按金。

報價單寫法泥頭清運（中期、後期）

中期同後期泥頭係咪都包？一共幾多車？冇電梯或要人手搬，會唔會另計？

點解重要泥頭多數按車計，冇寫清幾多車或者包唔包搬運，後面好易加錢。

報價單寫法開坑走喉、走線

要寫明開坑包埋修補批盪。唔寫就可能留低一條條坑，另外再收你錢補。

點解重要牆入面嘅喉同線一封就睇唔到，開坑時影相係之後維修嘅地圖。

報價單寫法拆除廚房間牆

先問清楚係咪結構牆或者有冇需要入則。結構牆唔可以自己拆，責任同申請手續要寫明邊個負責。

要小心拆錯結構牆涉及安全同法律責任，唔係加錢就解決到。

報價單寫法唐樓搬運費另計

材料上樓、廢料落樓包唔包，每層幾錢，事先寫清楚。

報價單寫法搭棚（外牆）

使唔使搭、竹棚定鋁棚、搭幾耐、要唔要管理處批，棚錢包唔包。