細單位裝修攻略：慳位之前，先分清邊樣唔可以郁

消委會研究發現四分之三受訪公司話廚房門可以改趟門，但呢個做法可能違反消防安全規定。細單位最想拆嘅，往往就係呢道門。

相反，屋宇署指拆除室內唔需要耐火時效嘅非承重間牆屬豁免工程，唔洗事先批准，但仍要符合規例。

細單位靠訂造傢俬，《香港裝修指引》1.9 有幾點特別啱用：

1. 尺寸以客方確認嘅圖紙為準，相片同效果圖只供參考。
2. 電器位：電視、雪櫃、抽油煙機、焗爐、微波爐嘅尺寸要客方確認提供。
3. 開門撞位：怕櫃門撞燈、座廁、抽油煙機，要預先講。細單位走廊窄，呢點最易出事。
4. 長料會彎：高度或闊度太長嘅物料有機會彎曲，頂天高櫃要問點加固。
5. 背板：一般 9 毫米厚；廚廁櫃背後有喉管通常唔裝背板。

1. 攞批准圖則，標出耐火牆、門同結構牆（百樓圖網可查）。
2. 列出要收嘅嘢同尺寸，先決定收納量，再揀櫃。
3. 間隔用唔用磚、地台係咪實心，問清楚屬唔屬小型工程。
4. 櫃圖逐張確認電器尺寸同開門方向。
5. 報價寫明小型工程文件邊個交。

• 廚房門同牆唔郁（或已確認冇耐火要求）
• 新間隔物料同手續已問清
• 地台結構已確定
• 櫃圖有電器尺寸、開門方向
• 高櫃加固方法已寫

訂造櫃板材五金睇訂造傢俬攻略；廚房細節睇廚櫃攻略；拆牆原則睇拆牆攻略；其他樓型睇樓型裝修總覽。

• 一房變兩房攻略：加間隔牆要唔要入則
• 小型工程監管制度攻略：邊啲要申報
• 插座位規劃攻略：每間房要幾多個
• 洗衣機位攻略：來去水同插座點預
• 唔同樓型裝修攻略總覽